मोरङ / बिराटनगर जेसीजले आफ्नो सम्पदा संरक्षण तथा अवलोकन र प्रबर्द्धन अभियान अन्तर्गत बिराट राजाको दरबार क्षेत्रको भ्रमण गरेको छ ।
पर्यटनको माध्यमबाट आफ्नो तर्फबाट गर्न सकिने कार्यहरु बारे जानकारी प्राप्त गर्न अवलोकन भ्रमण गरिएको अध्यक्ष अभिनास थापाले जानकारी दिए ।
बिराटनगरमा अवस्थित बिराट राजाको दरबार संरक्षणका लागि आफ्नो जीवन ब्यतित गरेका संरक्षणकर्मी कमल किशोर यादबको घरमा रहेको प्राचीन सभ्यता बोकेको सामाग्रीहरुको अवलोकन गर्दै उनीबाट सो सम्बन्धी जानकारी लिएको थियो ।
भग्नावशेष रहेको भेडियारीमा केही समय अघि निर्मित सङ्ग्रालयको भवन निर्माण सम्पन्न भए पश्चात् नेपाली सेनाद्वारा महानगरलाई हस्तान्तरण गरिएको थियो ।
कार्यक्रम संयोजक अभिषेक भट्टराईले बिराटनगर जेसीज परिवारको भ्रमण पश्चात् आगामी दिनमा देशभरीका जेसीज सदस्यहरुलाइ समेत भ्रमण गर्न अभिप्रेरित गर्ने उदेश्यले कार्यक्रम आयोजना गरिएको जानकारी दिए ।
भ्रमण पश्चात् भिडियो निर्माण गरेर पर्यटन प्रवद्र्धन गर्नका लागि गर्न सकिने कार्यका बारेमा प्रतिबेदन तयार गर्दै सम्बन्धित निकायमा प्रस्तुत गरिने बिराटनगर जेसीजले जनाएको छ ।
