धरान मेघा कलेजले मेयर कप च्याम्पियन विद्यार्थीलाई सम्मान

 विजपुर /धरान मेघा हिमालयन कलेजले मेयर कप फुटवल प्रतियोगिताका विजेता खेलाडि तथा प्रशिक्षकलाई मंगलवार सम्मान गरेको छ।विजेता खेलाडि तथा प्रशिक्षक हरुलाई कलेजका विद्यार्थी र शिक्षक शिक्षिकाहरु माझ खदा र अविर लगाएर सम्मान गर्दै विजेता ट्रफि प्रधान गरिएको थियो ।

धरान उपमहानगरपालिकाको आयोजनामा पौष ७ देखि १८ गते सम्म सम्पन्न मावि स्तरिय मेयर कप फुटवल प्रतियोगिताको फाइनलमा धरान मेघा हिमालयन कलेजले माउन्ट हर्मनलाई ३–० गोल अन्तरले पराजित गर्दै उपाधि माथी कव्जा जमाएको थियो । धरान मेघा कलेजका पवन तामाङ्ग प्रतियोगिताको फाइनल खेलको म्यान अफ द म्याचभएका थिए ।

त्यसैगरि राजिव खड्का उत्कृष्ट गोलकिपर, अंकित थापाले प्रतियोगिताभरी ७ गोल गर्दै हाइ स्कोरर र सुगम जिमिले टिम क्याप्टेनले प्रतियोगिताको उत्कृष्ट खेलाडिको उपाधि जित्न सफल भएका थिए । सम्पुर्ण खेलाडिलाई कार्यक्रममा ट्रफि प्रधान गरेर समान गरिएको छ।

धरान मेघा कलेजको प्रागणमा सम्पन्न कार्यक्रममा विजेता खेलाडिहरु र प्रशिक्षकलाई कलेजका अध्यक्ष कैलाश लिम्वु, प्राचार्य भाष्कर पौडेल, एकेडेमिक डाइरेक्टर अर्जुन घिमिरे, कलेजका साइन्स कोअर्डिनेटर जिवन न्यौपाने, म्यानेजमेन्ट कोअर्डिनेटर चन्द्र वनेम लगायतले खदा र अविर लगाई सम्मान गरेका थिए । प्रतियोगितामा धरान उपमहानगरपालिका भरिका ३६ वटा विद्यालयले सहभागिता जनाएको थियो ।