‘प्रदेशको नाममा मुख्य मन्त्रीले जनतालाई भिडाउन खोजे’

धरान । प्रदेश एकका मुख्य मन्त्री राजेन्द्र राईले प्रदेशको नामाकरणका विषयमा स्पष्ट कुरा गर्न नसक्दा जनता जनताबीच भिड्ने वातावरण तयार गरेको प्रदेश एकका पूर्व मुख्यमन्त्री शेरधन राईले आरोप लगाएका छन् ।

सोमबार संखुवासभाको खाँदबारीमा प्रेस चौतारी नेपाल जिल्ल कार्यसमिति संखुवासभाले आयोजना गरेको पत्रकार सम्मेलनमा बोल्ने क्रममा राईले यस्तो आरोप लगाएका हुन् । उनले भने–‘वर्तमान सरकारका मुख्यमन्त्री राजेन्द्र राईले सहजकर्ताको भूमिका पूरा गर्न नसक्दा प्रदेश १ को नामकरण हुन हुन सकेन ।’

एनले मुख्यमन्त्रीले राम्रो भूमिका खेल्नै नसेका कारण जनता भिडाउने वातावरण तयार पारेको आरोप लगाए । उनले भने–‘प्रदेश सरकारले सहजीकरण गरे नेकपा एमाले छलफलका लागि तयार रहेको छ ।’

नामाकरणको लागि एमाले एकढिक्का भएकोसमेत राईले दाबी गरे । प्रदेशको नामाकरणका लागि नेपाली कांग्रेसले समेत खुट्टा कमाएको उनले बताए ।

नेकपा एमाले सहमतिका लागि कोशी, सगरमाथा, विजयपुर, सप्तकोशी, किराँतलगायतका नाममा छलफल गर्न तयार भएको उनको भनाइ छ ।

यस्तै, गठबन्धनसँग नेकपा एमाले एक्लै चुनाव लड्न सक्षम रहेको दाबी गरे । उनले भने, ‘एमाले एक्लै चुनाव लडेर नेतृत्व गर्न पनि सक्षम छ ।’