_1693980289.gif "#")
धरान । धरान बास्केटवल संघको आयोजनामा आयोजना भएको धरान मेघा थी्र वाइ थी्र एसइइ लेवल खुल्ला बास्केटवल प्रतियोगितातर्फ होलिल्याण्ड स्कुल ए, कामे्रल हाइ स्कुल, हिमशिखर स्कुल तरहरा र चिल्ड्रेन स्कुल सेमिफाइन प्रवेश गरेका छन ।
सुनसरी बास्केटवल संघको सहयोगमा मंगलार देखि सुरु भएको दुई दिने प्रतियोगितामा होलिल्याण्ड ए टिमले युएुन स्कुललाई ८–३, काम्रेल स्कुलले सयपत्री स्कुल तरहरालाई ६–३, हिमशिखर तरहरा स्कुलले झापा मोडल स्कुललाई ८–१ र चिल्ड्रेन स्कुलले होलिल्याण्ड वि टिमलाई ८–० अंकको अन्तरले पराजित गर्दै सेमिफाइनल प्रवेश गरेका हुन ।
वुधवार हुने पहिलो सेमिफाइनल खेलमा हिमशिखर र चिल्ड्रेन स्कुलले प्रतिश्पर्धा गर्नेछन् भने दोस्रो सेमिफाइनल खेलमा काम्रेल र होलिल्याण्ड स्कुलबीच प्रतिश्पर्धा हुनेछ । सेमिफाइनल खेलमा विजेता टिमले सोही दिन फाइनलमा प्रतिष्पर्धा गर्ने आयोजकले जनाएको छ ।
प्रतियोगिताका विजेता टिमले नगद ५ हजार, दोस्रोले नगद २ हजार ५ सय नगद सहित ट्रफी, मेडल र प्रमाणपत्र प्राप्त गर्नेछन । साथै प्रतियोगिताका उत्कृष्ट खेलाडीले नगद एक हजार र उदयीमान खेलाडिले पाच सय रुपैया सहित ट्रफी र प्रमाणपत्र प्राप्त गर्नेछन ।
कार्यक्रमको उद्घाटन धरान १२ न. वडाका वडा सदस्य तथा धरान उपमहानगरपालिकाका अर्थ तथा सामाजिक लेखा समिति संयोजक व्रम्यज्ञ भट्टराई र सुनसरी बास्केटवल संघका अध्यक्ष नारायण सुवेदिले संयुक्त रुपमा गरेका थिए ।
धरान मेघा कलेजको बास्केटवल कोर्टमा सञ्चालन भएको प्रतियोगितामा कक्षा ५ देखि एसइइ दिएका विद्यार्थीहरुको सहभागिता रहेको छ । प्रतियोगितामा धरान र धरान वाहिरका गरी १८ वटा टिमको सहभागिता रहेको छ ।
मेप्रतियोगिताको मुख्य प्रायोजक धरान मेघा कलेज रहेको छ भने सह प्रायोजकको रुपमा सगरमाथा एसडि कलेज रहेको छ । उदघाटन कार्यक्रममा धरान मेघा कलेजका अध्यक्ष कैलाश लिम्वु, सगरमाथा एसडी कलेजका प्राचार्य सन्तोष राई लगायतको उपस्थिति रहेको थियो ।
_Poush 22_1736170149.jpg "#")