_1693980289.gif "#")
धरान । प्रदेश सरकारले आर्थिक बर्ष २०७९÷८० को नीति तथा कार्यक्रम बहुमतले पास गरेको छ ।
बहुमतले पास गरिएको बजेट असार १ गते प्रदेशसभा वैठकमा पेश हुनेछ । आइतबार बसेको प्रदेशसभा बैठकले कार्यक्रम पारित गरेसँगैे प्रदेशसभा वैठकमा पेश हुने भएको हो ।
सभामुख प्रदिप कुमार भण्डारीले कार्यक्रम बहुमतले पारित गरेको घोषणा गरेका हुन् । नीति तथा कार्यक्रममाथि एमालेका सांसदहरु हिक्मतकुमार कार्की, जीवन घिमिरे, बुद्धिकुमार राजभण्डारी, रामबहादुर मगर र लीलाबल्लभ अधिकारीले संशोधन गर्ने प्रस्ताव राखेका थिए । सासंदहरुले ती प्रस्ताव फिर्ता लिएनन् । तर, ती प्रस्तावहरू बहुमतले अस्वीकृत भएका थिए । बैठकमा मुख्यमन्त्री राजेन्द्रकुमार राईले सासंदहरुले उठाएका प्रश्नहरूको जवाफ दिएका थिए ।
\छलफलमा उठेको जवाफ दिँदै मुख्यमन्त्री राईले राजनीतिक मतभेद र राजनीतिक विचार दृष्टिकोण फरक फरक भए पनि प्रदेशको विकासमा एकतावद्ध भएर अघि बढ्न आग्रह गरे । उनले सांसदहरूलाई प्रस्तुत नीति तथा कार्यक्रम अनुरूप नै आगामी वर्षको बजेट आउने विश्वास दिलाए । उनले भने–‘प्रस्तुत नीति तथा कार्यक्रम अनुरुप नै आगामी बजेट आउछ, राजनीतिक रुपमा मतभेद र विचार फरक भएपनि प्रदेशको विकासमा एकवद्धता भएर अघि बढ्नुपर्छ ।’
सरकारबाट भएका कमीकमजोरी औंल्याउनु सकारात्मक भए पनि प्रदेश सरकारले केही गर्दै गरेन भन्नु पूर्वाग्रही भएको मुख्यमन्त्री राईको भनाई थियो । बजेट तथा नीती कार्यक्रम साझा बिषय भएकोले यसलाई मिलेर अगाडि बढाउनुपर्नेमा उनले जोड दिए ।
