_1693980289.gif "#")
धरान । मेयर पद जितेको नेपाली कांग्रेसले विराटनगरमा आइतबार भव्य विजय र्याली निकालेको छ ।
नेपाली कांग्रेस विराटनगर महानगर समितिको आयोजनामा भएको विजय ¥याली शहीद मैदान अगाडिबाट सुरु भएको थियो । पाँच दलीय गठबन्धनबाट विराटनगर महानगरपालिकाको मेयर पदमा नागेश कोइराला निर्वाचित हुनु भएको थियो । मेयर जितेको खुसीयालीमा कांग्रेसले विजय र्याली आयोजना गरेको हो । हस्पिटल चोक, जलजला चोक, ट्राफिक चोक, रोडशेष, रानी हुँदै जनआन्दोलन चोक, बरगाछी, दूधफारम, राजवंशी चोक, पुष्पलाल चोक पुगेर पुनः शहीद मैदान अगाडि आएर समापन भएको थियो । सो क्रममा विभिन्न ठाउँमा मतदाताहरुले मेयर कोइरालालाई पुष्प वर्षाका साथै माला र अविर लगाएर बधाई दिएका थिए ।
र्यालीमा नेपाली कांग्रेसका वरिष्ठ नेता डा. शेखर कोइराला, केन्द्रीय सदस्य डा. डिला संग्रौला, अमृत अर्याल, हसन अन्सारी, प्रदेश–१ का सभापति उद्धव थापा, कोषाध्यक्ष राजेश गुप्ता, विराटनगर महानगर सभापति दीपक चापागाईं, उपमेयरमा उपविजेता भएका जसपाका युवा नेता अमरेन्द्र यादव, कांग्रेसबाट विजयी भएका वडा अध्यक्षलगायत सयौं नेता कार्यकर्ताको सहभागिता रहेको थियो । कांग्रेसले विराटनगरमा मेयरसहित ६ वटा वडा जितेको छ l
