रंगेलीमा स्वतन्त्र उम्मेदवारको घरदैलो

धरान । स्थानीय तहको निर्वाचन नजिकिँदै गर्दा रंगेली नगरपालिकामा स्वतन्त्र उमेदवारहरुले पनि आफ्नो प्रचारप्रसारलाई तिव्रता दिएका छन् ।

निर्वाचन आयोगबाट चुनाव चिन्ह प्राप्त गरे पछि उनिहरु चुनावी अभियानमा जुटेका हुन् । यसै क्रममा वडा नम्बर ७ मा स्वतन्त्र उमेदवार रहेका अध्यक्षका उम्मेदवार संन्जिब श्रेष्ठ पनि घरदैलोमा व्यस्त छन् । चुनाव चिन्ह लालटिन लिएर गाउँ घरमा नमुना ब्यालेट पेपर र स्वतन्त्र युवा, महिलाहरुलाई घरदैलोमा भोट हाल्न सिकाउदैछन् । उनका समर्थकहरुले रंगेलीको शुक्रबारेको चोक तथा विभिन्न स्थानहरुमा लालटिनै बाँसमा बाँधेर प्रचारप्रसार गरिरहेका छन् ।

रातिको समयमा लालटिन समेत बालेर समर्थन समेत गरेका छन् । त्यसैगरी अर्का स्वतन्त्र बडा अध्यक्ष अजय मंण्डल र उपमेयर राधा देवि मंण्डल पनि गुलाफ फुलको चिन्ह लिएर गाउँ घरमा प्रचारप्रसार समेत गरिरहेका छन । अहिले हाम्रो भन्दा पनि राम्रो ब्यक्तिलाई बिजय गराउन स्वतन्त्र उम्मेदवारहरुले मतदाताहरु सँग आग्रह गरिरहेका छन् ।