इटहरीको मेयरमा दुई स्वतन्त्र सहित सात

धरान । सुनसरीको इटहरीमा पहिलो दिनको मनोनयनमा मेयर पदमा ७ जनाले उम्मेदवारी दर्ता गराएका छन् । दुई स्वतन्त्र र ५ साना दलका उम्मेवारले मनोनयन दर्ता गराएका हुन् ।

पहिलो दिनको उम्मेदवार मनोनयनमा मेयरमा पदम अधिकारी र डिल्लीराम दाहालले स्वतन्त्र उम्मेदवारी दिएका छन् । दलगत संघीय लोकतान्त्रिक राष्ट्रिय मञ्चबाट भिमकुमार लिम्बु, मंगोल नेशनल अर्गनाइजेशन पार्टीबाट दिपेन्द्र राई, मौलिक जरोकिलो पार्टीबाट मेयरमा रामेश्वर थापाले उम्मेदवारी दिएका छन् । त्यस्तै, नागरिक उन्मुक्ति पार्टीबाट अक्षय कुमार चौधरी र खम्बुवान राष्ट्रिय मोर्चा नेपालबाट देशमाया राईले मेयरमा उम्मेदवारी दिएकी छन् ।

उपमेयरमा २ जनाको उम्मेदवारी परेको छ । सरिता दुलालले मौलिक जरोकिलो पार्टीबाट र दिलिता लिम्बुले संघीय लोकतान्त्रिक राष्ट्रियय मंचबाट उपमेयरमा उम्मेदवारी दिएकी हुन् ।