धनकुटामा हावाहुरीले घरमा क्षति

धरान । आइतबार आएको हावाहुरीले धनकुटामा ५ घरधुरीमा क्षति पु¥याएको छ ।

जिल्ला प्रशासन कार्यालय धनकुटाका अनुसार हावाहुरीले धनकुटा नगरपालिका ८ सान्ताङ र वडा नं. ९ का घरहरुमा क्षति पुगेको हो । हावाहुरीका कारण घरहरु पूर्ण क्षति भएका छन् । हावाहुरीबाट भएको क्षतिको यकिन गर्न सकिएको छैन ।

क्षति भएका घरको उद्धारमा जनपथ प्रहरी, सशस्त्र प्रहरीको टोली लागेकोे सहायक प्रमुख जिल्ला अधिकारी राम नारायण श्रेष्ठले जानकारी दिए । उनले भने, ‘घटनामा कति क्षति भयो भन्ने कुरा अहिले एकिन हुन सकेको छैन, घटनास्थलमा प्रहरी, सशस्त्र प्रहरीको टोली खटाइएका छन् ।’ उनका अनुसार हावाहुरीले कुनै मानवीय क्षति भने भएको छैन । यता प्रहरीले भने १० लाख भन्दा बढीको क्षति भएको हुनसक्ने अनुमान गरेको छ । धनकुटा जिल्ला प्रहरी कार्यालयका प्रहरी निरीक्षक काशीनाथ रेग्मीले प्रारम्भिक विवरणमा १० लाख बराबरको क्षति भएको अनुमान छ, क्षतिको एकिन विवरण नआइसकेकोले यो बढ्न सक्ने बताए ।