सप्तकोशी नदीमा हामफालेका ब्यक्तिको जिवितै उद्धार

धरान । सप्तकोशी नदीमा हाम फालेका बिराटनगर महानगरपालिका ८ का ६८ बर्षीय बुनई यादवलाई प्रहरीले जिवितै उद्धार गरेको छ ।

बुधवार राती सवा ८ बजेको समयमा एक जना ब्यक्ति नदीमा हामफालेको भन्ने जानकारी पाए लगत्तै तत्काल प्रहरी चौकी कोशी ब्यारेजबाट खटिएको प्रहरी टोलीले यादवको जिवितै उद्धार गरेको हो ।

घटना सम्बन्धमा थप अनुसन्धान भईरहेको जिल्ला प्रहरी कार्यालय सुनसरीले जनाएको छ ।