पानीमा डुबेर बालकको मृत्यु

धरान । इलामको माई नगरपालिका १ स्थित तेह्र कुने सिमसार पोखरीमा डुबेर एक बालकको मृत्यु भएको छ ।

मृत्यु हुनेमा स्थानिय तेज बहादुर राईका ११ बर्षीय छोरा बर्धन राई रहेका छन् ।

बिहीबार दिउँसो साढे ११ बजे राई साथीहरुसँग पौडी खेल्ने क्रममा सिमसार पोखरीमा डुबी बेपत्ता भएका थिए । प्रहरी चौकी दानवारीबाट खटिएको प्रहरी टोलीले डुबेर बेपत्ता भएका राईलाई पानीमा डुबेको अवस्थामा मृत फेला पारेको हो ।

घटना सम्वन्धमा जिल्ला प्रहरी कार्यालय इलामबाट थप अनुसन्धान भईरहेको प्रहरीले जनाएको छ ।