_1693980289.gif "#")
धरान । धरानको सामाजिक काममा फरक पहिचान बनाउँदै महिला उद्यमी तथा सञ्चारकर्मीको रुपमा स्थापित भइसकेकी सुनिता केसी राई आइतबार मृत अवश्थामा फेला परेकी छिन् ।
धरानका विभिन्न सामाजिक संघसस्थामा आवद्ध भई महिला उद्यमीका रुपमा पहिचान बनाएकी क्लिक धरान मिडिया प्रालिकी प्रबन्ध निर्देशक समेत रहेकी केसी आइतबार धरान १५ स्थित आफ्नै निवासमा मृत भेटिएकी हुन् । केसी झुण्डिएको अवस्थामा रहेको र आत्महत्या गरेको हुनसक्ने प्रहरीको भनाई छ । इलाका प्रहरी कार्यालय धरानबाट सर्जमिन मुचुल्का गरि वीपी कोइराला स्वास्थ्य विज्ञान प्रतिष्ठान धरानमा पोष्टमार्टमका लागि राखिएको छ ।
केसी पेट्रोलियम पम्पको व्यवसाय गर्ने नेपालकै एक मात्र महिला हुन् । उनी पेट्रोलियम डिलर एसोसियसनकी केन्द्रिय सदस्य समेत हुन् । उनी महिला सञ्जाल धरानकी नगर सदस्य, आसरा सुधार केन्द्रको सदस्य, इलाका प्रहरी कार्यालय धरानको परिषरमा बन्दै गरेको हिरासत भवन निर्माण समितीकी कोषाध्यक्ष समेत हुन् ।
उनी विजयपुर एफएममा लामो समय समाचारवाचिकाको रुपमा कार्यरत रहिन् । पछि पिस रिक्रियसन ग्रुपद्वारा प्रकाशित पुर्णाङ्क साप्ताहिककी प्रबन्ध निर्देशक, नेपाल पत्रकार महासंघ सुनसरीका साधारण सदस्य हुन् ।
