_1693980289.gif "#")
धरान। महालक्ष्मी नगरपालिका–५ लेगुवास्थित अरूण नदीको किनारमा एक पुरुषको शव फेला परेका छ ।
नदीको किनारमा करिब ४५ वर्षीय पुरुषको शव शुक्रबार फेला परेको जिल्ला प्रहरी कार्यालय धनकुटाका प्रवक्ता डिएसपी सुरज कार्कीले जानकारी दिए । ती पुरुष गोरो वर्णको, पातलो शरीर भएको, छोटो कपाल, रातो रंगको हाफ भेष्ट, कालो रंगको हाफ पेन्ट लगाएको, मंगोलियन अनुहार भएको, उचाई करिब ५.५ इन्च भएको कार्कीले बताए ।
शव नदीमा तैरिरहेको अवस्थामा स्थानीयले देखेपछि प्रहरीलाई खबर गरेका थिए । खबर पाएपछि प्रहरी टोली घटनास्थलमा पुगी अनुसन्धान सुरु गरेको डिएसपी कार्कीले बताए । शव पोष्टमार्टमका लागि जिल्ला अस्पताल धनकुटामा राखिएको छ । मृतकको पहिचान खुल्न सकेको छैन ।
