मोरङ व्यापार संघको सदस्य पदको निर्वाचन सम्पन्न

धरान/ मोरङ व्यापार संघको ३३ औं कार्यकारिणी समितिको सदस्य पदका लागि मंगलबार निर्वाचन सम्पन्न भएको छ ।

संघको पदाधिकारी निर्वाचनका लागि बनेको आयोगका अनुसार उम्मेदवारहरु सर्वसम्मत निर्वाचित भएका हुन् । कार्यकारिणी समितिको सदस्य पदका लागि परेको वाणिज्य तर्फ ८ जना र उद्योग तर्फ ८ जना उम्मेदवार निर्विरोध भएका हुन् । संघको विधान, नियमावली अनुसार उम्मेदवारी परेकाले निर्विरोध भएको आयोगले जनाएको छ ।

निर्वाचनबाट वाणिज्य तर्फ देवाशिष गोल्छा, मनिष मारु, श्याम राठी, संजय श्रेष्ठ, अनिल कुमार साह, विनित सिंघानियां, सुशिल सुराना र राजेश अग्रवाल रहेका छन् भने उद्योग तर्फ नवीन रिजाल, आशिष जाजु, दिपेश सुवेदी, अमित सारडा, अनुपम राठी, विकास कुमार बेगवानी, पवन राठी र अनिल सारडा रहेका छन् ।