_1693980289.gif "#")
धरान/ कोशीपत्र राष्ट्रिय दैनिकका समाचार सम्पादक गोबिन्द बस्नेतलाई पितृशोक परेको छ । उनका बुबा खड्ग बहादुर बस्नेतको ७५ वर्षको उमेरमा धरान स्थित वीपी कोइराला स्वास्थ्य विज्ञान प्रतिष्ठानमा उपचारका क्रममा बुधबार मृत्यु भएको हो । उनको ब्रेन हेमरेजका कारण मृत्यु भएको छ । उनी विगत ६ वर्ष देखि सुगर, प्रेसर सहित कोलस्ट्रोलका बिरामी थिए ।
मंसिर २ गते घरमै एक्कासी लडे पछि उनलाई प्रतिष्ठान लगिएको थियो । तत्काल चेकजाँचका क्रममा कोरोना पोजिटिभ देखिए पछि घरमै ल्याइएको थियो । तर स्वास्थ्यमा झन समस्या आउन थाले पछि पुनः अस्पताल लगिएको थियो । स्वास्थ्य समस्या बढ्दै गए पछि ४३ दिन अस्पताल भर्ना गरिएको थियो । उनको अत्येष्टि बुधबारनै धरान १५ स्थित खत्रीधारामा गरिएको छ ।
उनका दुई छोरा छन् । जेठा छोरा गोबिन्द बस्नेत विगत दुई दशक देखि विभिन्न संचारमाध्यमहरुमा कार्यरत छन् । धरान १५ स्थित सुनगाभा मार्गमा ४८ साल देखि बस्दै आएका हुन् ।
