_1693980289.gif "#")
रंगेली/ मोरङको रंगेली नगरपालिका ७ स्थित माउन्ट मकालु इंग्लीस बोडिङ स्कुलले कक्षा ११ का नयाँ विद्यार्थीहरुलाई स्वागत तथा शुभकामना आदानप्रदान कार्यक्रम गरेको छ ।
विद्यालयमा एक कार्यक्रमको आयोजना गरी कक्षा ११ मा भर्ना भएका नयाँ विद्यार्थीहरुलाई स्वागत तथा सम्मान गरेको छ ।
कार्यक्रमको प्रमुख अतिथि रंगेली नगरपालिका मेयर दिलिप वगडीया, विशिष्ठ अतिथि शिक्षा शाखा प्रमुख रबिन्द्र पंण्डित, बिद्यालयका प्रधानाध्यापक भक्तराज सुब्बा लगायतले नयाँ विद्यार्थीहरुलाई स्वागत गरेका थिए ।
स्थानीयस्तरमै कक्षा ११ र १२ को अध्ययन हुन थाले पछि बिराटनगर पुग्नुपर्ने बाध्यताको अन्त्य भएको मधु साहले बताईन । प्रमुख अतिथि बगडियाले सामुदायिक बिद्यालय तथा निजि बिद्यालयमा अध्ययन गरेर यस बर्ष एसईइ उर्तिर्ण विद्यार्थीहरुलाई केही साता भित्र साईकल बितरण गरिने जनाएको छ । बिद्यार्थीको हौसला बढाउनका लागि साईकल बितरण गरिन लागेको उनले बताए ।
रंगेलीमै कक्षा ११ को पठनपाठन गरि गुणस्तीय शिक्षा प्रदान गर्न बिद्यालयले आगामी दिनहरुमा अन्य विषयहरु समेत थप्दै अघि बढ्ने बिद्यालयका प्रिन्सिपल भक्तराज सुब्बाले बताए । कार्यक्रममा विद्यार्थीहरुले विभिन्न गितहरुमा नृत्य तथा गायन प्रस्तुत गरेर अतिथिहरुलाई मनोरंजन समेत गराएका थिए ।
