मिस ग्राण्डको उपाधि निशुलाई

सुनसरी/ काठमाण्डौमा सम्पन्न मिस ग्राण्डको उपाधि सिराहाकी निशुकुमारी साहले जितेकी छन् ।

आरके इन्टरटेन्मेन्ट गु्रपको आयोजनामा भएको मिस ग्राण्डको फाइनलमा बन्दी सहायता केन्द्रमा कार्यरत निशुसहित अन्य पाँच जनाले फरक फरक विधामा उपाधि जितेका छन् ।
साहसँगै काठमाण्डौकी सिर्जना श्रेष्ठले मिस टुरिजम, हेटौडाकी मनिष छिनालले मिस ल्यान्डस्कोपस नेपाल, झापाकी बबिता आचार्यले मिस स्कुवा नेपाल र पोखराकी प्रमिला विश्वकर्माले मिस मल्टिनेशनल नेपालको उपाधि जितेकी छन् । उनले यस्ता खालका प्रतियोगिताले महिलाको क्षमतामा विकास हुने विश्वास व्यक्त गरिन् ।

आयोजक आरके इन्टरटेन्मेन्ट ग्रुपका अनुसार विजेताहरुलाई नेपाली चलचित्रमा अभिनय गर्ने अवसर प्रदान गरिने छ भने अन्तर्राष्ट्रिय प्रतियोगितामा नेपालको तर्फबाट प्रतिनिधित्व गर्न पाउने छन् ।
प्रतियोगितामा सहमागीहरुलाई कोरियोग्राफर रोजिन शाक्यले कोरियोग्राफी गरेका थिए भने निर्णायकमा राजाभाइ सुवाल, जयन सुुब्बा मानन्धर, सरोज प्याकुरेल, दिपक घिमिरे र रोसन बस्नेतले निर्णायकको भूमिका निर्वाह गरेका थिए ।