इटहरीमा सेन्ट्रल मार्टको व्यापार शुरु

इटहरी/ इटहरी चौंकमा बनेको १० तले विल्डिङमा संचालन भएको सेन्ट्रल प्लाजाको पहिलो तलामा स्थापना गरिएको ग्रोसरी स्टोरले सोमबार देखि औपचारिक रुपमा व्यापार शुरु गरेको छ ।
सिनेफ्लाक्स नामका २ वटा सिनेमा हलका साथमा सेमिनार हल र रेस्टुरेन्ट सहितको होटल बरण्डा, इलेक्ट्रोनिक्सका सामान, कपडा तथा कष्टमेटिक्स, मिठाइ पसल र कफी सपसमेत भएको प्लाजामा एउटा डिपार्टमेन्ट स्टोर सहितको मार्ट सोमबार एक कार्यक्रमको आयोजना गरि औपचारिक रुपमा व्यापार शुरु गरेको हो ।

सेन्ट्रल प्लाजाका अध्यक्ष राजेश श्रेष्ठ र उद्योग वाणिज्य संघ इटहरीका अध्यक्ष भीम पौडेलले संयुक्त रुपमा मार्टको उदघाटन गरेका छन् ।

उद्घाटनको अवसरमा ग्राहकलाई ५ देखि २० प्रतिशतसम्म छुट दिइने मार्टका प्रबन्धक हेमन्त दङ्गालले बताए । उनका अनुसार मार्टले कम्तिमा एक हजार रुपैयाँको खरिद गर्ने ग्राहकलाई एक किलो नुन निःशुल्क दिने गरेको छ ।

साथै एक हजार पाँच सय सम्मको खरिद गर्ने ग्राहकलाई ७ सय ग्रामको फेना सर्फ निःशुल्क, २ हजार रुपैयाँ सम्मको खरिद गर्ने ग्राहकलाई १ किलो चिनी निःशुल्क र २ हजार ५ सय सम्मको खरिद गर्ने ग्राहकलाई आधा लिटर रिफाइन तेल निःशुल्क दिने छुट योजना मार्टले सार्वजनिक गरेको छ । सेन्ट्रल मार्टले वार्षिक लक्की ड्र अन्तर्गत एक जनालाई यामाहाको १ सय २५ सीसी फ्यासिनो स्कुटर, दोस्रोमा वासिङ मेसिन र तेस्रोमा रेफ्रिजेरेटरसमेत दिने घोषणा गरेको छ ।

मार्टमा खाद्यान्न, ग्रोसरी आइटम, लिकर (मदिरा) का साथै सफ्ट डिं«क्स आइटमहरु सुपथ मूल्यमा उपलब्ध हुने छ । मार्टमा ५ हजारभन्दा बढी सामानका भेराइटीहरु उपलब्ध हुने बताइएको छ भने मार्टको लागि सेन्ट्रल प्लाजाले ४ हजार स्क्वायर फिटको ठाउँ छुट्याएको छ ।