विदेशबाट आयातित सामग्रीले स्थानीय उद्योग विस्थापित हुदै

धनकुटा/ विदेशबाट आयातित सामाग्रीले स्थानिय उद्योगलाई धरासयी बनाउदै गएको धनकुटाका उद्योगीहरुले गुनासो गरेका छन् ।

उनीहरुले नितिगत रुपमा नै स्वदेशी उत्पादन लाई अनिवार्य प्रयोग गर्न व्यवस्था मिलाउनु पर्ने बताएका छन् । स्थानीय उद्यागीहरु विस्थापित हुन थालेको उद्योगीहरुले गुनासो गरेका छन् ।

स्वदेशी उद्यम र उत्पादन, दिगो औद्योगिक पुनरुत्थान भन्ने नाराका साथ सातौं उद्योग दिवसको अवसरमा धनकुटा आयोजित एक कार्यक्रममा उद्योगीहरुले विदेशबाट आयातित सामाग्रीले स्थानीय उद्योगलाई धरासयी बनाउदै विस्थापित गर्न थालेको उनीहरुको गुनासो छ । उनीहरुले उद्योगीहरुले उद्योग संचालनका लागि चाहिने कच्चा पदार्थमा लाग्ने भान्सार र निकासी करमा छुट दिन समेत माग गरेका छन् ।

घरेलु तथा सानाउद्योग कार्यालयले आयोजना गरेको अन्र्तकृया कार्यक्रममा घरेलु उद्योगहरुले स्थानीय स्तरमा रोजगारीको समेत सृजना गरेको कारण स्थानीय स्रोत साधन प्रयोग गरेर स्थापना गरिएका उद्योगलाई राज्यले विशेष प्राथमीकतामा राखेर नीति बनाउनु पर्ने घरेलु तथा साना उद्याग महासंघ धनकुटाका अध्यक्ष राजेश्वर बहादुर श्रेष्ठले बताए । धनकुटामा ६ हजार ८ सय २३ उद्योग दर्ता छन ।