झरनामा ६३ करोडको कारोबार

धरान/ धरान स्थित झरना बचत तथा ऋण सहकारी संस्थाले आर्थिक वर्ष २०७७÷७८ मा ६३ करोड भन्दा बढी कारोबार गरेको छ ।
संस्थाको ११ औं साधारणसभामा अघिल्लो वर्षको तुलनामा १५ दशमलव ६७ प्रतिशतले वृद्धि गर्दै कुल ६३ करोड ३१ लाख ५३ हजार ५ सय ७० रुपैया कारोबार गरेको जनाएको छ । संस्थाका अध्यक्ष मान बहादुर मगरले पेश गरेको संस्थागत प्रतिवेदन अनुसार आर्थिक वर्ष ७७÷७८ मा २६ लाख ८६ हजार १ सय ५१ रुपैया खुद मुनाफा गरेको छ ।

संस्थाले अघिल्लो वर्षको तुलनामा २९ दशमलव ०२ प्रतिशतले निक्षेप संकलन वृद्धि गर्दै ४९ करोड ३३ लाख ४२ हजार ७ सय ८० रुपैया संकलन भएको जनाएको छ । त्यसै गरि ४५ करोड ८७ लाख ८७ हजार १ सय ८८ रुपैया कर्जा तथा सापटी दिएको छ भने कुल आम्दानी ७ करोड ६५ लाख ७३ हजार ८ सय ७६ रुपैया रहेको जनाएको छ । संस्थाको कुल खर्च ७ करोड ३८ लाख ८७ हजार ६ सय ४९ रुपैया गरेको छ । संस्थाले आर्थिक वर्ष ७७÷७८ मा २ करोड ७९ लाख ७२ हजार १ सय रुपैया शेयर पुँजी वृद्धि गरेको छ ।

संस्थाले आर्थिक वर्ष २०७८÷७९ मा शेयर पुँजी ४ करोड ९९ लाख ७२ हजार १ सय पु¥याउने लक्ष्य लिएको जनाएको छ । कर्जा लगानीमा वृद्धि गर्दै चालु वर्षमा ५६ करोड २७ लाख ८७ हजार १ सय ८८ रुपैया पु¥याउने अनुमान गरेको छ ।

प्रदेश नम्बर १ सहकारी रजिष्ट्रार कार्यालयका प्रमुख बलराम निरौलाको प्रमुख आतिथ्यमा भएको कार्यक्रममा २१ जनालाई सम्मान समेत गरिएको थियो । सम्मानित हुनेहरुमा उत्कृष्ठ शेयर सदस्य विजय मानन्धर, मुकेश अग्रवाल, उत्कृष्ठ बाल बचत प्रिन्सा खतिवडा, उत्कृष्ठ ऋण सदस्य अन्जु ताम्राकार, उत्कृष्ठ नारी लखपति रोशनी कार्की लगायत रहेका छन् ।