प्रदेश १ का नव नियुक्त मुख्यमन्त्री राई सहित ५ जना मन्त्रीले लिए शपथ

धरान । प्रदेश १ का नव नियुक्त मुख्यमन्त्री राजेन्द्र राई सहित ४ मन्त्री तथा १ राज्य मन्त्रीले पद तथा गोपनियताको शपथ लिएका छन् ।

आजै नियुक्त भएका मुख्यमन्त्री राईलाइ प्रदेश प्रमुख सोमनाथ अधिकारी प्यासीले शपथ गराएका हुन् ।

त्यस्तै राईले आजै ४ मन्त्री, १ राज्य मन्त्री सहितको मन्त्रीमण्डल समेत गठन गरेका छन् ।
मन्त्रीहरुले पनि आजै पद तथा गोपनियताको शपथ लिएका छन् ।

नेपाली काङ्ग्रेसबाट केदार कार्की आन्तरिक मामिला तथा कानुनमन्त्री र हिमाल कार्की भौतिक पूर्वाधार मन्त्री, माओवादी केन्द्रबाट इन्द्रबहादुर आङ्बो आर्थिक मामिला तथा योजनामन्त्री र जसपाबाट जयराम यादव सामाजिक विकास मन्त्रीको शपथ लिएका छन् ।

त्यस्तै संघीय लोकतान्त्रिक राष्ट्रिय मञ्चकी कृष्णकुमारी तुम्बाहाङ्फे सामाजिक विकास राज्यमको शपथ लिएकी छन् ।