बराहमा विजुलीबाट चल्ने स्कुटर

धरान । यातायातका साधनहरुबाट हुने गरेको वातावरणीय प्रभावलाई कम गर्न धरान स्थित बराह ग्रुप अफ कम्पनीले इलेक्ट्रिक स्कुटर बजारमा ल्याएको छ ।

कम्पनीको धरान ८ स्थित धनकुटे रोडमा रहेको बराह कम्प्लेक्समा विजुलीबाट कुद्ने ई–स्कुटरको बिक्रि वितरण शुरु गरेको हो । बराहका परिकल्पनाकार एवंम संस्थापक स्वर्गीय इन्द्र कुमार लामिछानेको ६४ औं जन्म जयन्तीको अवसरमा ई–स्कुटरको बिक्रि शुरु गरिएको कम्पनीका निर्देशक मान बहादुर विश्वकर्मा(दियाली) वताए ।

बराहका अनुसार ३ वटा मोडलमा स्कुटर बिक्रिका लागि राखिएको छ । कम्पनीका सेल्स एक्जुकेटिभ मीना पौडेका अनुसार ई– प्लुटोको मुल्य २ लाख ४९ हजार, ई–एन्ट्रान्सको मुल्य १ लाख ९९ हजार रुपैयाँ, इन्ट्रान्स मेओको मुल्य २ लाख ३९ हजारमा खरिद गर्न सकिने छ ।

स्कुटरले एक पटक बिजुलीमा चार्ज गरेपछि १ सय १६ किलोमीटर सम्म कुद्न सक्ने जनाइएको छ । साथै दशै तिहारको अवसरमा १० प्रतिशत छुटको व्यवस्था गरिएको छ । स्क्र्याच र लक्की ड्र मार्फत विभिन्न उपहार समेत ग्राहकलाई दिइने कम्पनीले जनाएकोे छ ।