गोर्खालीको सम्मानमा गोर्खा वाच धरानमा

धरान/ बेलायतमा गोर्खालीहरुले सेवा गरेको २ सय वर्ष पुगेको सम्मानमा उत्पादन गरिएको गोर्खा वाच धरानमै पाउन थालेको छ । गोर्खालीहरुको त्याग र साहसको सम्मानमा बेलायतमा २ सय वटा मात्रै उत्पादन गरिएको थियो ।

गोर्खा वाचको माग नेपाली बजारमा पनि अत्याधिन हुन थाले पछि यसको बजारीकरण भए सँगै धरानमा पनि कुमार एण्ड सन्स ग्रुपले धरानमा भित्राएको छ । गोर्खा ब्राण्ड अन्तर्गतका घडीका साथै विभिन्न सामग्रीहरु उपलब्ध हुने गरि कुमार एण्ड सन्स इम्पोरियम सोमबार देखि संचालनमा आएको हो ।

युवा व्यवसायी सुमन कुमार श्रेष्ठले ५० लाख रुपैयाको लगानीमा धरान १० स्थित पुतली लाईनमा संचालनमा ल्याएका हुन् । लाहुरेको शहरको रुपमा परिचित धरानमा गोर्खालीहरुको पहिचान जिवन्त राख्न कुमार एण्ड सन्स इम्पोरियमले गोर्खा वाचको ब्राण्डलाई धरान भित्राएको संचालक श्रेष्ठले बताए ।

इम्पोरियममा गोर्खा ब्राण्ड अन्तर्गत बालबालिका, महिला र पुरुषको डिजिटल, स्मार्ट र एनालग घडीहरु पाइने श्रेष्ठले जानकारी दिए । साथै गोर्खा ब्राण्डकै लेदरका सामग्री, चस्मा, भित्ते घडी, ब्याग, ब्राण्डेट कपडा, टाईपिन, कफ्लीङक, कलाकृतिहरु सहित गोर्खा ब्राण्डका खुकुरीका आइटमहरु पनि पाइनेछ ।