प्रतिष्ठानको अराजकता हटाउन राप्रपाको माग

धरान/ बीपी कोइराला स्वास्थ्य विज्ञानभित्र रहेको वेथितिलाई चाडो समाधान गर्न राष्ट्रिय प्रजातन्त्र पार्टी धरानले आग्रह गरेको छ । पार्टीले एक विज्ञप्ती प्रकाशित गरी प्रतिष्ठानभित्र भएको बेथितिको अन्त्य गदेै लामो समयदेखि पदाधिकारीको कार्यकक्षमा लगाएको तालाबन्दी खोलेर निकास दिनुपर्ने जनाएको छ ।

पार्टीका नगर समिति अध्यक्ष नवीन पराजुलीद्वारा ह्स्ताक्षरित विज्ञप्तीमा धरानको गौरव भनेको अहिले एक मात्र बीपी प्रतिष्ठान भएकोले यसको शाख गिरेमा धरान मृत सहरको रुपमा परिणत हुने सम्भावना बढेर गएको जनाएको छ । धरानमात्र हैन प्रदेश नं. १ कै गौरवको स्वास्थ्य संस्था प्रतिष्ठानलाई संरक्षण गरेर मृत शहरको रूपमा परिणत हुन लागेको धरानलाई जोगाउनुपर्ने बताएका छन् ।

उनीहरुले पदाधिकारीहरुले पनि प्रतिष्ठान सञ्चालनमा सहज वातावरणको अवस्था सिर्जना गर्नुका साथै आन्दोलनरतपक्षले पनि पदाधिकारीहरुले लगाएको ताला खोलेर काम गर्ने वातावरण मिलाउनुपर्ने बताएको छ ।

उनीहरुले पदाधिकारीको बचाउ गर्दै राप्रपाले प्रतिष्ठानका प्रमुख पदाधिकारीहरूको कार्यकक्षमा तालाबन्दी लगाएर काम गर्नबाट वञ्चित गराएको आरोप लगाएको छ । प्रतिष्ठानलाई अराजककता जोगाउन सबै पक्ष लाग्नुपर्नेमा पनि राप्रपाले जोड दिएको छ ।