गलत डिजाइनले भत्कियो सेल्फी रोड

धरान/ भौगोलिक अवश्थाको परिक्षण नगरी बनाइएको विजयपुरको सेल्फी रोड सामान्य वर्षाले पनि भत्काइदिएको छ ।

धरान १ रेडक्रस देखि धरान १४ विजयपुर चौकसम्म पुग्ने सडक बुधबार राति आएको सामान्य बर्षाले भत्काएको हो । सडक निर्माणसंगै सेल्फी रोडले परिचितसडक रेडक्रसको घुम्तीदेखि माथिको सडक भत्किएको छ । भौगोलिक अवस्थाको परीक्षण नभई बनेको सडक भएका कारण भत्किएको हुन सक्ने स्थानीयहरु बताउँछन् ।

पाँच महिना अगाडि निर्माण सम्पन्न भएको सडकको भौगोलिक अवस्थालाई ख्याल नगरी निर्माण गरिएकाले पहिरो गएको धरान १३ का स्थानीय रमेश अधिकारी.बताउँछन् । उनले निर्माणसंगै अनुगमन नहुँदा समस्या आएको उनको भनाई छ ।

रेडक्रसदेखि आदिवासी जनजातिको संंग्राहालय, केन्द्रीय प्रविधि क्याम्पस हुदै विजयपुरचौक सम्मको करिब २ किलोमिटरको कालोपत्रे नै सम्पन्न भइसकेको पाच महिना अगाडि सम्पन्न भएको थियो । सडक छेउैमा भिरालो जमिन भएका कारण सडक गुणस्तरीय भएपनि भौगोलिक अवस्थालाई नबुझी सडकको तलतिर कुनै सपोर्ट नभएका कारण सामान्य बर्षाले पनि सडक भत्काउने जोखिम बढेर गएकोस्थानीय लक्ष्मण भट्टराईले बताए ।

आर्शिवाद निर्माण सेवा उदयपुरका ठेकेदार केशर बुढाथोकीले सडकको डिजाइननै गलत भएका बताए । उनले भौगोलिक अवस्थालाई नहेरी डिजाइन बनाएकोले डिजाइन सुधार्न पटक पटक आग्रह गरेको बताए । उनका अनुसार दुई बर्षभित्रमा करिब २ किलोमिटरको सडक निर्माण ५ महिना अगाडि नै सम्पन्न गरिसकेको बताए । निर्माणको क्रममा अवरोध धेरै आउँदा निर्माण सम्पन्न गर्न अझ ढिलो भएको उनको भनाई छ ।

विकासका नाममा भौतिक पूर्वाधार निर्माण गर्दा भौगोलिक अवस्थालाई धेरै स्थानीय तह तथा प्राविधिकहरुले विचार नपु¥याउने गरेकै कारण संरचनाहरु जोखिममा छन् । तीन करोडको लगानीमा निर्माण सम्पन्न भएको सडक भौगोलिक पूर्वाधार नहेरी बनाइएको ठेकेदार कम्पनी, स्थानीयहरुले आरोप लगाएका छन् । निर्माण सम्पन्नमात्र ठूलो कुरा होइन, निर्माणसंगै गुणस्तरीय छ कि छैन भन्ने कुरालाई पनि सम्बन्धित पक्षले ध्यान दिन जरुरी छ ।