डा. हेमन्तको आध्यात्मिक गितको किताब प्रकाशित

धरान । २०५३ मा नातिकाजी को स्वर÷संगीत मा मनमा काँडा बिझेपछी बोलको गीत रेकर्ड गराएर सांगितिक छेत्रमा उदाएका डा.हेमन्त खतिवडा को आध्यात्मिक गीतको किताब प्रकाशित भएको छ ।

किताबमा गणेश, विष्णु राम, शिव, दुर्गा, हनुमान, सरस्वती, कृष्ण, लक्ष्मीको भजन अनि बाँकी भजन जीवनमृत्युको विषयमा लेखिएको छ । कृतिमा १ सय ६ वटा भजनहरु रहेका छन् । १ सय १५ पृष्ठमा किताब तयार भएको छ । पचास वटा भजन आशा भोस्ले , साधना सरगम, कैलाश खेर, पंडित जसराज, कुमार सानु लगायत गायक गायिकाहरुले गाएका छन् । क्लासिकल, सेमि क्लासिकल मा कतिपय भजन गाइएका छन् ।

भजनको प्रचलित परम्परा भन्दा फरक किसिमले लेखिएको छ । निराशावादी नभइकन अधिकांश भजनहरु आशा र उत्साह जगाउने किसिमका छन् । मृत्युलाई पनि उत्सवको रुपमा चित्रण गरेर पनि भजनहरु लेखिएका छन् । जीवन जस्तै मृत्यु पनि उत्सव हुनुपर्छ भन्ने खालका भजनहरु पनि छन् । आध्यात्मको गहिराइमा डुबेर लेखिएका भजनहरु छन् । यसमा मानिसहरुलाई उत्प्रेरणा र प्रेरित गर्ने खालका जीवन दर्शनका विषयहरु पनि समेटिएका छन् । गीतकार स्वयं प्रकाशक रहेको भजन संग्रहको मूल्य २ सय रहेको छ । आकर्षक छपाइ र राम्रो कागजमा सजिएको भजन संग्रह गीतकार डा.हेमन्त खतिवडाको पहिलो भजन संग्रह हो ।