रेमिटद्वारा ग्रामथानका विद्यार्थीलाई ब्याग र पंखा सहयोग

विराटनगर । मोरङको ग्रामथान गाउँपालिका वडा नम्बर २ स्थित श्रीदुर्गा आधारभुत विधालयका नर्सरी देखि कक्षा ४ सम्मका विद्यार्थीलाई स्कुल ब्याग र फेन सहयोग गरिएको छ ।

रेमिट बचत तथा ऋण सहकारी संस्था लिमिटेड झोराहाटले शनिबार विद्यालयमा कार्यक्रम गरी ५५ जना विद्यार्थीलाई ती सामग्री सहयोग गरेको हो । सोही वितरण कायक्रममा विधालयको कक्षा कोठाको लागि आवश्यक ४ जान पंखा पनि हस्तान्तरण गरिएको थियो । संस्थाका सल्लाहाकार यादव खतिवडाले ग्रामीण क्षेत्रका विद्यार्थीलाई ती सामग्री सहयोग गरिएको बताए ।

रेमिटले आफ्नो वार्षिक उत्सवको अवसरमा विभिन्न संस्थामा स्वास्थ्य शिविर संचालन गर्नेदेखि स्वास्थ्य समग्री सहयोग समेत गर्ने गरेको छ ।

कायक्रममा सहकारी संस्थाका अध्यक्ष उषा घिमिरे, संस्थाका सचिव दीक्षा आचार्य, विधालयका कार्यवाहक प्रअ हिमालचन्द्र अधिकारी,शिक्षक, विधार्थी,अभिभावक र व्यवस्थापन समितिका पदाधिकारी थिए ।