मुलबाटो कालोपत्रे नगरे सन्यास लिने इटहरी प्रमुखको घोषणा

सुनसरी / इटहरीका सबै मुलबाटोहरु कालोपत्रे गर्न नसके राजनितिबाटै सन्यास लिने इटहरी उपमहानगरपालिकाका प्रमुख द्वारिकलाल चौधरीले घोषणा गरेका छन् ।

कार्यकाल सकिन एक वर्ष बाँकी रहँदा इटहरीका सबै मुलबाटोहरु कालोपत्रे भइसक्ने उनले दाबी गरे । उनले भने, ‘कार्यकाल भरिमा इटहरीका सवै मुलवाटोहरु कालोपत्रे गर्न नसके राजनीतिबाटै सन्यास लिनेछु ।’

वडा नम्बर २ को वडा कार्यालय भवन उदघाटन गर्दै प्रमुख चौधरीले बहुवर्षे योजना अन्र्तगत धेरै योजना संचालनमा रहेको जानकारी दिए । उनले भने, ‘केही योजना निर्माण भइसकेको छ । चालु आर्थिक बर्षमा ६० वटा योजना टेण्डर भइसकेको छ, इटहरीले पूर्वाधार निर्माणमा फडको मारेको छ ।’
प्रमुख चौधरीले इटहरीको वडा नम्बर २ को दुइ तले भवन उदघाटन गरेका हुन् । सव इन्जिनियर खेम कुमार श्रेष्ठका अनुसार दुईतले वडा कार्यालय भवन १ करोड १७ लाख ६० हजारको लागतमा वनेको हो । आधारभूत स्वास्थ्य इकाई भवन ४९ लाख ९७ हजारमा निर्माण सम्पन्न गरिएको हो । वडा नम्वर २ का वडाध्यक्ष हर्क मगरले वडालाई पारदर्शी बनाएको बताए ।

इटहरीकी उपमेयर लक्ष्मी गौतमले आफ्नो कार्यकाल पूर्वाधार निर्माणमा कोशेढुंगा सावित हुने बताईन् । उपमेयर गौतमले वडा कार्यालय भवनहरुको निर्माण, प्रत्येक वडामा आधारभूत स्वास्थ्य इकाई भवन, वहुबर्षे योजना अन्र्तगत गाउँ गाउँका मूलवाटोहरु कालोपत्रे भएको बताइन् ।