चक्कुले रोपेर दाजुको हत्या गर्ने भाई पक्राउ

विराटनगर । विराटनगर महानगरपालिका–५ मा आफ्नौ दाजुको हत्या गरेको आरोपमा एक युवक पक्राउ परेका छन् । स्थानीइ पृथ्वीचोकका साजन सिंहलाई जिल्ला प्रहरी कार्यालय मोरङकको टोलीले पक्राउ गरेको हो ।

शुक्रबार राति १० बजे दाजु भोला सिंहलाई चक्कुले रोपेर हत्या गरेको प्रहरीको भनाई छ । साजनलाई राति नै प्रहरीले पक्राउ गरेको हो ।
घरायसी विवादका क्रममा ४२ वर्षीय दाईलाई चक्कु हानेको र शरीको विभिन्न ठाउँमा गहिरो चोट देखिएको प्रहरीको भनाई छ । पहिले कुटपिट गरेको र चक्कु हानेपछि राति ११ बजे भोलाको मृत्यु भएको बताइएको छ ।

जिल्ला प्रहरी कार्यालय मोरङले पक्राउ परेका साजनविरुद्ध कर्तव्य ज्यान मुद्दामा थप अनुसन्धान शुरु गरिएको जनाएको छ ।