हात्तीको आक्रमणमा एकको मृत्यु

सुनसरी । कोशीटप्पु क्षेत्रमा जंगली हात्तिको आक्रमणबाट बेलका नगरपालिका २ स्थित रामपुरका एक जनाको मृत्यु भएको छ ।

उदयपुरको बेलका नगरपालिकामा पर्ने कोसिटप्पु क्षेत्रमा बुधबार राति जंगली हात्तिको आक्रमणबाट ४० वर्षिय कमल यादवको घटना स्थलमै मृत्यु भएको हो । बस्तीमा पसेको अवश्थामा धपाउने क्रममा जंगली हात्तिले आक्रमण गरेको थियो । आक्रमणबाट यादवको मृत्यु भएको जिल्ला प्रहरी कार्यालय उदयपुरले जनाएको छ ।

जंगली हात्तिलाई धपाउन भागलपुर प्रहरी चौकी र स्थानीयको सहयोगमा सफल भएको प्रहरीले जनाएको छ । घटनाबारे थप अनुसन्धान भईरहेको प्रहरीले जनाएको छ । बिगत ४ बर्षमा ७ जना भन्दा धेरैको जंगली हात्तिले ज्यान लिइसकेको छ ।