स्काउट वार्षिकोत्सवको अवसरमा विराटनगरमा विविध कार्यक्रम

विराटनगर । नेपाल स्काउटको ७० औं वार्षिक उत्सव विराटनगरमा विविध कार्यक्रम गरी मनाइएको छ ।
विहीबार विराटनगर महानगरपालिका वडा नम्बर १ स्थित बुद्धचौक, वडा नम्बर ३ र २ मा बालबालिका तथा स्थानीयलाई खाजा वितरण गरिएको छ ।

वडा नम्बर १ मा वडाअध्यक्ष उद्धव अर्यालले उद्घाटन गरेको कार्यक्रममा बिस्कुट बालबालिकालाई पाउरोटी र पिउने पानी वितरण गरियो । त्यहाँ एक सय पाँच जनालाई खाजा वितरण गरिएको स्काउट विराटनगर समितिका संयोजक दिवश राजवंशीले बताए । वडा नम्बर ३ मा वडाअध्यक्ष बिनोद बस्नेतले कार्यालय अगाडि खाजा वितरण गरेका थिए ।

यसैगरी वडा नम्बर २ को शंकरपुरमा पनि सामाजिक दूरी कायम गर्दै वडाअध्यक्ष कुमार पोखरेल कार्यक्रमको शुरुवात गरेका थिए । स्काउटको वार्षिकोत्सवको अवसरमा विराटनगरका १९ वटै वडामा कार्यक्रम गरिने र असार ५ गते दीप प्रज्वलन गरिने संयोजक राजवंशीको भनाई छ ।