सप्तकोशीमा पानीको बहाव बढ्यो, चौध ढोका खोलिए

धरान । केही दिन देखि वर्षा शुरु भए सँगै सप्तकोशी नदीको बहाव बढेको छ । लगातारको वर्षाले सप्तकोशीमा पानीको वहाव बढेको जिल्ला प्रशासन कार्यालय सुनसरीले जनाएको छ ।

सप्तकोशीमा पानीको बहाव बढे पछि अहिले कोशी ब्यारेजका १४ ढोका खुला गरिएको छ । सप्तकोशीमा मिसिने इन्द्रावती नदीमा २५ वर्षयताकै ठूलो बाढी आएपछि कोशी ब्यारेजमा थप सजकता अपनाइएको जनाएको छ ।

नदीमा पानीको बहाव ६१ हजार १ सय ४५ क्युसेक रहेको सुनसरीका प्रमुख जिल्ला अधिकारी उमेश कुमार ढकालले जनाएका छन् । कोशीमा पानीको वहाव बढ्ने क्रम शुरु भए पनि ब्यारेजमा कुनै खतरा नरहेको सुरक्षा निकायले बताएको छ ।