_1693980289.gif "#")
बराहक्षेत्र । दोस्रो भेरियन्टको कोरोना संक्रमण नियन्त्रणमा वराहक्षेत्र १० स्थित प्रकासपुर युबा जमात सक्रिय रहेको छ ।
प्रकासपुरका सक्रिय युबाहरुको छाता संस्थाको रुपमा स्थापित युबा जमात विगत २९ दिन देखि कोरोना नियन्त्रण कार्यमा
सक्रिय रहेको छ । उनीहरुले वराहक्षेत्र ९ र १० नम्बर वडावासीसंग सहकार्य गरेर सार्वजनिक स्थलमा सेनिटाइज गर्ने, सुरक्षाकर्मी, स्थानीय संक्रमितहरुलाई स्वास्थ्य सामाग्री बितरण साथै राहत बितरण गर्दै आएको छ । वराहक्षेत्र ९ र १० का प्राय सबै घरमा सेनिटाइज गरी सकेको छ ।
उनीहरुले संक्रमितहरुलाइ पौष्टिक खानेकुरा वितरण गर्नुका साथै ज्वरो तथा अक्सिजन लेभल चेकजाँच, आवश्यक चिकित्सकको सल्लाह अनुसार औषधी वितरण समेत गर्दै आएको छ । बराहक्षेत्र १० नम्बरको वडा कार्यलयलाई अक्सिजन समेत हस्तान्तरण गरेको छ ।
विभिन्न दाताहरु सहित मोरङ्ग –सुनसरी सेवा समाजबाट उपलब्ध ४० लिटरको अक्सिजन सहीतको ५ थान सिलिन्डर, ३ थान अक्सिजन रेगुलेटर, ५ थान अक्सिजन माक्स, ५ थान माक्स, ५० थान सर्जिकल माक्स र २ थान अक्सिमिटर आइतबार वडा नं १० का अध्यक्ष महेन्द्र खत्रीलाई हस्तान्तरण गरेको युबा जमातका अध्यक्ष तेजबहादुर गुरुङ्गले जानकारी दिए ।
