सुनसरीमा असार ७ गते सम्म थपीयो निषेधाज्ञा, बिहान ११ बजे सम्म तरकारी र फलफुल ब्यवसाय खोल्न पाइने

इटहरी । जिल्ला प्रसाशनको कार्यालय सुनसरीले आगामि असार ७ गते सम्म निषेधाज्ञा गर्ने निर्णय गरेको छ । यस अघि जेठ ३१ गते सम्म जिल्लामा निषेधाज्ञा गर्ने निर्णय गरेृकोमा थोरै परिमार्जन गरी आगामि असार ७ गते सम्म लम्ब्याइएको हो । जिल्ला प्रसाशन कार्यालय सुनसरीमा आइतबार बसेको डीसीएमसीको बैठकले जारी निषेधाज्ञाको नियमहरू परिमार्जन गरी निषेधाज्ञालाइ थोरै खुकुलो बनाउने निर्णय गरेको छ ।

बन्द रहेको फलफुल तथा तरकारी ब्यवसाय अब बिहान ५ बजे देखि ११ बजे सम्म् खोल्न पाउने गरी निषेधाज्ञा असार ७ गते सम्म् पुर्याइएको हो । जिल्लामा कोरोना संक्रमण दर घटेपनि जोखिम कायमै रहेको देखिएपछि थप सतरकता अपनाउन निषेधाज्ञाको समय असार ७ गते सम्म लम्ब्याइएको सुनसरीका प्रमुख जिल्ला अधिकारी उमेश कुमार ढकालले बताए ।

यस अघि खाद्यन्न , बिकाश निर्माणका सामग्री बोकेका सवारी साधन , ढुवानीका सवारी साधनहरूलाइ निर्वाध रूपमा सञ्चालन गर्न दिइने भनि गरिएको निर्णयलाइ यथावत राखिएको छ भने खाद्यन्न पशलहरू बिहानको १० बजे देखि दिउसो ३ बजे सम्म सञ्चालन गर्न पाइने भएको छ ।अन्य व्यवसायहरू भने सञ्चालनमा रोक लगाउने निर्णयलाइ पनि यथावतै राखिएको छ ।