वि केयर नेपालको विपन्न परिवारलाई खाद्यान्न सहयोग

धरान । कोरोना महामारीका कारण घोषणा गरिएको लकडाउनले समस्यामा परेका धरान उपमहानगरपालिकाका विभिन्न वडाका विपन्न परिवारलाई बि केयर नेपालले खाद्यान्न सहयोग गरेको छ ।

विगत तिन दिन देखि विभिन्न वडाका विपन्न परिवारलाई खाद्यान्न सामग्री प्रदान गर्दै आएको छ । संस्थाले वडा नम्बर २० खादिखोलाका जिवन राईलाई खाद्यान्न सामग्री, विजुली अभाव भएकालाई कुपि, मट्टीतेल लगायतका सामग्री प्रदान गरेको छ भने धरान १६ को नौलो बस्तिकी सिर्जना राईको परिवारलाई लत्ताकपडा प्रदान गरेको संस्थाका अध्यक्ष अविजित ताम्राकारले जानकारी दिए । त्यस्तै विपन्न परिवारलाई खाद्यान्न सामग्री पनि दिएको छ ।

त्यसै गरि धरान ८ स्थित सिद्धार्थ मार्गमा रहेको बुद्ध विहारलाई दैनिक प्रयोगमा आउने खाद्यान्न सामग्री प्रदान गरेको छ । संस्थाले चामल, दाल, आलु, नुन, तेल, न्यूटेला, दुध, सेनिटाइजर, मास्क रहेका थिए ।

लकडाउनको समयमा सडकमा रहेका बेसाहारा कुकुरहरूलाई खाना खुवाउँदै आएको १३ औँ दिन पछि आर्थिक विपन्न परिवारलाई दैनिक प्रयोगका खाद्यान्न सामग्री प्रदान गर्दै आएको छ । वि केयर नेपालले हाल कोरोना महामारीको समयमा क्लोथ बैंकको स्थापना गरी महमारीको बेला समस्यामा परेकाहरुलाई लत्ताकपडा समेत उपलब्ध गराउँदैछ ।