_1693980289.gif "#")
धरान । नेकपा एमालेका केन्द्रिय सदस्य तथा सुनसरी जिल्ला इन्चार्ज धर्मराज निरौलाले कुनै व्यक्तिको सनक र एउटा समुहको निर्णयबाट पार्टी नचल्ने बताउँदै एमाले विधान अनुसार चल्ने पार्टी भएको दाबी गरे ।
शनिबार नेकपा एमाले (नेपाल समुह)को धरान उपमहानगर कमिटीको विस्तारित बैठक तथा सपथ कार्यक्रममा निरौलाले पार्टीका केन्द्रिय अध्यक्ष तथा प्रधानमन्त्री केपी शर्मा ओली आत्मा केन्द्रित भएका कारण आम कार्यकर्ताले दुख पाएको बताउँदै उनले आधिकारीक पार्टिको पक्षमा उभिन कार्यकर्तालाई आग्रह गरे ।
कार्यक्रममा बोल्दै एमाले सुनसरीका अध्यक्ष रमेश बस्नेतले एउटा समुहले आफुहरु अधिबेशनबाट निर्वाचित भएर आएको र सर्बोच्च अदालतले गरेको निर्णय अनुसार एकिकरण पुर्वको अवस्थामा एमाले पुगेको बताउदै अहिले एमालेका नाममा एउटा गुटले गर्ने भेलाहरुलाई गतल प्रबृती भएको बताए ।
धरान–१५ स्थित सदनसभा हलमा आयोजित कार्यक्रममा मनोनित नगर सदस्यहरुले सफथ लिएका थिए । बैठकले पार्टीका सबै सदस्यलाई जिम्मेवारी दिने र वडा तथा टोलहरुमा आफ्ना गतिबिधिलाई जारी राख्ने निर्णय गरेको छ । एमाले धरानका अध्यक्ष नारायण प्रसाद सुबेदीको अध्यक्षतामा भएको बैठकमा एमालेका जिल्ला, क्षेत्र तथा नगरका नेता तथा कार्यकर्ताको उपस्थिती रहेको थियो । कार्यक्रममा एमाले धरानका सचिवालय सदस्यले स्वागत मन्तब्य राखेका थिए भने एमाले धरानका सचिब राजमणि निरौलाले सञ्चालन गरेका थिए ।
_Poush 22_1736170149.jpg "#")