होली मनाउन कुनै बन्देज लगाईंदैन : मन्त्री कार्की

विराटनगर । प्रदेश १ का आन्तरिक मामिला तथा कानुन मन्त्री हिक्मत कार्कीले होली पर्व मनाउन बन्देज र रोक नलगाईने बताएका छन् ।

विराटनगरका गायक सुमित खड्का र कलाकार दीपाश्री निरौलाको धनियाँ के होली नामक गीति संग्रहको बुधबार विमोचन गर्दै लगाउन वा बन्देज नलगाईने बताए । भने,“होलीको आफ्नै सांस्कृतिक महत्व छ । यसलाई मनाउन रोक लगाईने छैन ।“

कार्कीले प्रमुख जिल्ला अधिकारीले जागिर खानको लागि मात्र होली मनाउन रोक्ने निर्णय गर्न नहुने स्पष्ट गरे । काठमाडौंबाट आउने सूचनालाई मात्र सर्कुलर गर्दा नागरिकमा त्रास छाउने मन्त्री कार्कीले बताए ।

कोरोनाको दोस्रो लहर आउने संभावनाबीच सभा सम्मेलन, जमघट र भिडभाड युक्त कार्यक्रम नगर्न स्वास्थ्य मन्त्रालयले निर्देशन जारी गरेको छ । मोरङका प्रमुख जिल्ला अधिकारी कोषहरि निरौलाले विराटनगर र मोरङमा पनि संक्रमित बढ्न थालेको बताउंदै सचेत हुनु पर्ने बताएका छन । धनियाँ के होली एल्बममा होली सम्बन्धी सातवटा गीत समेटिएका छन् ।