भारतबाट विराटनगर फर्किएका चार जनामा कोरोना देखियो

विराटनगर । पछिल्लो दुई दिनयता विराटनगरमा फेरि नयाँ कोरोना संक्रमित भेटिन थालेका छन् । कोसी अस्पताल गरिएको स्वाब परीक्षणमा चार जनामा संक्रमण पुष्टि भएको छ ।

कोसी अस्पतालका मेसु डा। चुमनलाल दासीका अनुसार नयाँ संक्रमित केही अघि भारतबाट फर्किएका हुन् ।तीन महिनायता विराटनगरमा संक्रमित शून्यमा झरेका थिए । कोभिड अस्पतालमा बिरामी भर्ना भएका थिएनन् ।

बिहीबार तीन र शुक्रबार एक गरी चार जना नयाँ सक्रमित भेटिएका हुन् । तर शनिवारको परीक्षणमा कसैमा पनि संक्रमण पुष्टि भएन । वीपी प्रतिष्ठान धरानमा शनिबार गरिएको परीक्षणमा एकजनामा कोरोना देखिएको छ ।

विराटनगर महानगरपालिकाका मेयर भीम पराजुलीले भारतमा समेत संक्रमण बढ्दै गएको पाइएकोले स्वास्थ्य मापदण्ड पालना गर्न आग्रह गरेका छन ।