प्रेस संगठन सुनसरीको जिम्मेवारी बाँडफाड

धरान । प्रेस संगठन नेपालको सुनसरी जिल्ला विस्तार सँगै नगर स्तरिय जिम्मेवारी बाँडफाट गरेको छ ।

नेकपा (ओलि सुमह) निकटका पत्रकारहरुको संगठनले फागुन २ गतेको बैठकले २२ सदस्यीय समिती बिस्तार गरेको थियो । सोमबार जिल्ला बैठकले थप ९ सदस्यहरुलाई मनोनयन गर्दै ३१ कार्यसमिती बनाएको छ ।

४५ सदस्यीय जिल्ला कार्यसमितीका थप सदस्यहरु मनोनयन गर्ने जनाएको छ । जिल्ला कार्यसमितीमा रेवती निरौला, सिमा बस्नेत, वेद कुमार सुब्बा, सिर्जना नेपाल, नरेन कुलुङ, विक्रान्त श्रेष्ठ, सनम तामाङ, विकि श्रेष्ठ र मित्र क्षेत्रीलाई मनोनित गरेको छ ।
त्यसै गरि बैठकले धरान उपमहानगर इन्चार्जमा दामोदर गुरागाई, सहइन्चार्जमा रोशन दाहाल, संयोजक केदार बस्नेत र सहसंयोजक बसन्त राईलाई जिम्मेवारी तोकेको छ । त्यसै गरि इटहरीको इन्चार्जमा सहसंयोजक शुभद्रा प्याकुरेल, संयोजक त्रिलोचन पौडेल र सहसंयोजकमा रेवती निरौलालाई तोकेको छ । त्यसै गरि बराहक्षेत्र नगरपालिकाको इन्चार्जमा विजय कुमार राई, सहइन्चार्ज कृष्ण भट्टराई (बहाव), संयोजक विमला घिमिरे र सहसंयोजकमा प्रदिप चौधरी रहेका छन् ।

धरान नगरसमिती पनि बिस्तार गरिएको धरान ईन्चार्ज दामोदर गुरागाईले जानकारी दिए । कमिटिलाई १९ सदस्यीय बनाइएको छ । कमिटिको सदस्यहरुमा दिपक लिम्बू, मौसमी कार्की, कमान सिंह याम्फु, बृद्धशिला मगर, निलेश बिष्ट, अनिस बस्नेत, कमल बिष्ट, लक्ष्मी कार्की, प्रविण राई, स्नेहा श्रेष्ठ, उत्तम श्रेष्ठ र सन्देश तिमल्सिना रहेका छन् ।
बैठकमा प्रदेश इन्चार्ज लिलाराज भट्टराई, प्रदेश सदस्य उपेन्द्र चाम्लिङ लगायतले संगठनले श्रमजिवि पत्रकारहरुको पक्षमा काम गर्ने भएकाले सक्रिय पत्रकारितामा लाग्न आग्रह गरे ।