प्रेस सङ्गठन सुनसरीको जिल्ला भेला धरानमा

नेपाल पत्रकार महासङ्घ सुनसरीको १२ औ साधारण सभापछि नेकपाका विभिन्न गुट उपगुटले सुनसरीमा भ्रम फैलाउने काम गरेकाले भ्रमका पछि नलाग्न सुनसरी महासङ्घका उपाध्यक्ष सन्तोष काफ्लेले बताएका छ्न । पत्रकार महासङ्घले अग्रगमन प्रतिगमन नभनी प्रेस स्वतन्त्रता र अभिव्यक्ती स्वतन्त्रता स्थापनाका लागि कटिबद्ध भएको बताए । पत्रकार महासङ्घ राजनीती गर्ने थलो नभएर पत्रकारको हकहितका पक्षमा पैरवी गर्ने सस्था भएकाले पत्रकारहरुलाई भ्रममा नपर्न आग्रह गरे । पत्रकार महासङ्घ सुनसरीले प्रेस स्वतन्त्रताबाहेक अन्य राजनीतिक गुटको इच्चाअनुसार निर्णय नगर्ने बताए । प्रेस सङ्गठन नेपाल सुनसरीको शनिबार आयोजित जिल्ला भेलामा अग्रज पत्रकार किशोरकुमार कार्कीले राजनीतिक जगमा उभिएको मुलुकमा पत्रकारहरुले राजनीतिक चेतना राख्नु पर्ने बताए । स्थिरता, विकास, राष्ट्रियताको रक्षाका लागि कटिबद्ध भएर पत्रकारहरु सङ्गठित हुनु पर्नेमा जोड दिए । जिल्ला भेलामा प्रेस सङ्गठनका केन्द्रीय उपाध्यक्ष लीलाराज भट्टराईको प्रमुख आतिथ्यतामा शुरु भेलामा प्रदेश पत्रकार महासङ्घका अध्यक्ष विक्रम लुइटेल, नेकपाका केन्द्रीय सदस्यहरु मुरारी सुवेदी, मोतिराज सुनुवार, विजय राईलगायतको उपस्थिती छ । भेलाले नया कार्य समिति चयन गर्ने छ ।