शैलजा आचार्य पोलिटेक्निकको १९ औं वार्षिक उत्सव सम्पन्न

विराटनगर । शैलजा आचार्य स्मृति पोलिटेक्निकले आफ्नो १९ औ वार्षिक उत्सव मनाएको छ ।

शुक्रबार कलेजका अध्यक्ष मीता आचार्यको सभापतित्वमा सम्पन्न कार्यक्रममा स्थानीय, विद्यार्थीका अभिवावक, कलेजका विद्यार्थी तथा स्थानीय वुद्धिजीवीको उपस्थिति रहेको थियो ।

कार्यक्रममा बोल्दै जहदा गाउँपालिकाका अध्यक्ष कैलाशानन्द मण्डलले पोलिटेक्निकका लागि आवश्यक सबैखाले सहयोग गर्न तयार रहेको बताए ।
उनले ग्रामीण जनताका लागि बहुमुल्य निधिका रुपमा रहेको पोलिटेक्निकबाट सीमान्तकृत समुदाय लाभान्वित भएको बताए ।

कलेजकी अध्यक्ष मीता आचार्यले शहीदहरु तथा संस्थाकाबारेमा प्रकाश पारेकी थिईन् । उनले प्रजातन्त्रवादी चिन्तकहरुको सपना शिक्षाको माध्यमबाट पूरा गर्न आफू लागिरहेको बताइन् ।

कार्यक्रममा विभिन्न विधामा उत्कृष्ट विद्यार्थीहरुलाई समेत सम्मान गरिएको थियो ।कार्यक्रममा कलेजका प्रिन्सिपल सन्तबहादुर अधिकारी, पोलिटेक्निकका कोषाध्यक्ष मोहनलाल महतो, सदस्य विकास पराजुली,जबाहरलाल मण्डल लगायतको सहभागिता रहेको थियो ।