बेलबारीमा उत्पादित छुर्पीको चर्चा चुलिदै

बेलबारी: पहाडी क्षेत्रमा उत्पादनहुँदै आएको छुर्पी बेलबारीमै उत्पादन हुन थाले पछि यति बेला पदम दाहालले उत्पादन गरेको छुर्पीले चर्चा पाउन थालेको छ ।

पहाडी जिल्लाका छुर्पीको माग बढ्दै गएपछि पदमले आफैंले स्थानिय स्तरमा पनि छुर्पी उत्पादन गरेका हुन् ।
उहि स्वाद र पहाडी क्षेत्रबाट आयत गरिएको भन्दा केही सस्तो भएपछि छुर्पीका पारखीहरुको राजाईंमा पदमले उत्पादन गरेको छुर्पीले चर्चा पाउन थालेको स्थानियहरु बताउँछन् ।

उनले छुर्पी उत्पादन थाले सगै स्थानिय बजारमा समेत छुर्पीको माग बढ्न थालेको व्यवसायी पदमा बताउँछन् ।
उनले भने,‘पहिला देखिनै नेपाली बजारमा लोकप्रीय छुर्पी स्थानायि स्तरमै उत्पादन हुन थालेपछि झन माग बढ्दै गएको छ । ’

बेलबारी बजारमै (पूर्वी स्टेण्ड) ५ वर्ष अघि देखि ‘न्यु दाहाल दुध डेरी’ सञ्चालन गर्दै आएका दाहालले केही नयाँ गर्ने सोचले १ वर्ष अघि देखि छुर्पी उत्पादन गर्न थालेको बताए ।

उनले दैनिक १० केजी छुर्पी उत्पादन गर्दै आएकाछन् । त्यहाँ बाट उत्पादति छुर्पी प्रदेश १को विभिन्न जिल्लामा बिक्री हुने गरेको छ ।