एलआइसीद्वारा मृत्यु दाबी रकम प्रदान

धरान । लाईफ इन्स्युरेन्स कर्पोरेसन (नेपाल) कम्पनीले धरान १३ की दिल कुमारी लिम्बु राईको परिवारलाई बिमा रकम प्रदान गरेको छ ।

राइको केही दिन अघि निधन भएको थियो । उनको परिवारलाई शनिबार एक कार्यक्रमको आयोजना गरि बिमा रकम प्रदान गरेको हो ।

मृतकको घरमै पुगेर कम्पनीको ऐजेन्सी म्यानेजर डम्बर प्रसाद सिग्देल सहितको धरान शाखा टोलि  मृतकका पति कुल बहादुर राईलाई ३ लाख २५ हजारको चेक प्रदान गरिएको प्रबन्धक विकल्प प्रसाद बजगाईंले जानकारी दिए ।

बिमित राईले वार्षीक १७ हजार ७ सयका दरले ९ वर्ष किस्ता तिरेका थिए । उनले २ लाख रुपैयाको बिमा गरेकी थिईन् । बजगाईका अनुसार मृतकको परीवारले मंसिरको पहिलो साता कागजपत्र कार्यलयमा पेश गरेका थिए ।