_1693980289.gif "#")
धरान ÷ नेपाल जेसीजको रुपन्देहीको भल्वारीमा सम्पन्न ४७ औँ राष्ट्रिय महाधिवेशनबाट धरान जेसीज वर्ष २०२० का अध्यक्ष दीपेन्द्र निरौला नेपाल जेसीज वर्ष २०२१ को राष्ट्रिय उपाध्यक्षमा निर्वाचित भएका छन् ।
रुपन्देहीको भलवारी जेसीजको आतिथ्यमा सम्पन्न ४७ औँ राष्ट्रिय महाधिवेशनबाट निरौला शुक्रबार नेपाल जेसिज वर्ष २०२१ को राष्ट्रिय उपाध्यक्षमा निर्वाचित भएका हुन् । कुल खसेको मत मध्ये ६१२ मत प्राप्त गर्दै निरौला निर्वाचित भएका हुन् ।
१२ जना राष्ट्रिय उपाध्यक्षको पदमा ३६ जनाले उम्मेदवारी दिएका थिए ।त्यस्तै नेपाल जेसीजको राष्ट्रिय अध्यक्षमा चितवनका अरुणेश्वर खनाल विजयी भएका छन् ।
वर्षभरिको कार्यक्रमहरुमध्ये उत्कृष्ट जेसीज सप्ताह आयोजना र पूर्व क्षेत्र क अन्तर्गतका ३९ शाखाहरू मध्येमा उत्कृष्ट शाखा अध्यक्षको पुरस्कार पनि नव निर्वाचित दीपेन्द्र निरौलाले पाएका छन् ।
एक साताअघि मात्र धरान जेसीजले विभिन्न रचनात्मक कार्यक्रमहरू आयोजना गरेर जेसीज सप्ताह मनाएको थियो ।
धरान जेसीजको सिफारिसमा रमेश प्रसाईँलाई राष्ट्रिय महाधिवेशनको उद्घाटन समारोहमा उत्कृष्ट युवा पुरस्कारबाट सम्मान पनि गरिएको छ ।
कारणवस कार्यक्रममा उपस्थति हुन नसेका रमेशको पुरस्कार नव निर्वाचित राष्ट्रिय उपाध्यक्ष दिपेन्द्र निरौलाले लिएका थिए ।
_Poush 22_1736170149.jpg "#")