कोसी अस्पतालमा एक संक्रमित पुरुषको मृत्यु

विराटनगर । कोसी अस्पताल विराटनगरमा एक कोरोना संक्रमितको मृत्यु भएको छ ।
अस्पतालको आईसोलेसन विभागका प्रमुख डा. लक्ष्मीनारायण यादवका अनुसार सुनसरीको दुहवी नगरपालिका–५ का ६० वर्षीय पुरुषको उपचारका क्रममा मंगलबार मृत्यु भएको हो ।
यादवका अनुसार संक्रमित पुरुषमा ज्वरो, खोकी र श्वासप्रश्वासको समस्या थियो ।

उनी सोमबार दिउँसो अस्पतालमा भर्ना भएका थिए । अस्पतालका अनुसार मृत्युपछि स्वाब संकलन गरेर पीसीआर परीक्षण गर्न पठाउँदा रिर्पोट पोजेटिभ आएको थियो ।