इटहरी । कोरोनाको कहर संगै संक्रमणको दर बढिरहेको सुनसरीको इटहरीमा हिपअप नेपालका सदस्यहरूले सेनिटाइज अभियान थालेका छन ।
सुनसरीको सबैभन्दा बढी संक्रमितहरू रहेको इटहरीका २० वटै वार्डमा सेनिटाइज गर्ने तयारी भएको हिपअप नेपालले जनाएको छ ।
अहिले सम्म इटहरीको वार्ड नं २ , ४, १९ र २० मा सेनिटाइज गरिसकेको र केहि समयपछि यसलाइ निरन्तरता दिने संस्थाका अभियान्ता जिवन राइले बताए ।
कोरोना भाइरसको संक्रमण बढिरहेको अवस्थालाइ मध्यनजर गर्दै यसको न्युनिकरण र जनमानसमा उत्पन्न भएको भय त्रासलाइ हटाउन इटहरीको २० वटै वार्डमा सेनिटाइज गर्ने तयारी गरिएको हिपअप नेपालका अर्का अभियान्ता दानबहादुर राइले बताए ।
इटहरी २० तरहरामा रहेको जागरूक युवाहरूको समुहद्वारा स्थापित हिपअप नेपाल बिभिन्न सामाजिक काममा समेत क्रियाशिल रहदै आएको छ ।
