_1693980289.gif "#")
सुनसरी । घर आँगन नजिकै स्वास्थ्य सेवा पूरयाउन इनरुवा नगरपालिकाले सवै वडाहरुमा आधारभूत स्वास्थ्य केन्द्र स्थापना गर्ने भएको छ ।
अभियान अन्र्तगत आइतबार इटहरी वडा नम्वर ४ मा आधारभूत स्वास्थ्य केन्द्र भवनको शिलान्यास गरेर निर्माण समेत शुरु गरिएको छ । इटहरी उपमहानगरका प्रमुख द्धारिकलाल चौधरी तथा उपप्रमुख लक्ष्मी गौतमले संयुक्त रुपमा भवन शिल्यान्यास गरेका छन् ।
भवनको शिलान्यास गर्दै प्रमुख चौधरीले तोकिएकै समयभित्र गुणस्तरमा कुनै सम्झौता नगरी भवन निर्माण गर्न निर्देशन दिए । केहि दिनभित्रैमा १४ वटा आधारभूत स्वास्थ्य केन्द्र भवन शिल्यान्यास गरिने जानकारी दिए ।
उपप्रमुख गौतमले यहि आर्थिक वर्षमा सेवा सुचारु गरिने वताईन । केन्द्रमा आवश्यक पर्ने फर्निचर खरिद गरिसकिएको र मसलन्द खर्चका लागि वजेटको ब्यवस्था गरिएको बताइन । वडाध्यक्ष चन्द्र भटराईले वडा नम्वर ४ वाट स्वास्थ्य केन्द्र भवनको निर्माण सुरु गरिएकोमा खुशि ब्यक्त गरे ।
इन्जिनियर जीवन घिमिरेले २८ लाख ६८ हजार २ सय ६४ रुपैयाँको लागतमा पाँच महिना भित्र निर्माण सकिने जानकारी दिए ।
स्वास्थ्य शाखा प्रमुख रामचरण चौधरीले आधारभूत स्वास्थ्य सेवा अव इटहरीका वडा वडामै पाउने गरि काम अघि वढेको बताए । उनका अनुसार यहि आर्थिक वर्षमा १४ वटा भवन निर्माण गरिने छ । अहिले १० वडामा स्वास्थ्य सस्थाहरु रहेपनि ४ वटा भाडाको भवनमा संचालित छन ।
यो आर्थिक बर्षभित्र सवै वडाहरुमा स्वास्थ्य सस्थाहरु भइसक्ने उनको भनाई छ ।
नेपाली काँग्रेसका नेता कमल राईले वडा वडामा स्वास्थ्य सेवा पुग्नु सुखद भएको वताए ।
निर्माण कम्पनीका प्रतिनिधि जीवन कार्कीले सम्झौतामा तोकिएको समय अघिनै निर्माण सम्पन्न गर्ने प्रतिवद्धता जनाए ।
