वीपी प्रतिष्ठानमा एक कोरोना संक्रमितको मृत्यु

धरान/  वीपी कोइराला स्वास्थ्य विज्ञान प्रतिष्ठानको कोभिड १९ अस्पतालमा उपचाररत एक कोरोना संक्रमितको मृत्यु भएको छ ।
मोरङको धनपालथान ६ का ४० बर्षीय पुरुषको आइतबार राती मृत्यु भएको प्रतिष्ठानले जनाएको छ ।

प्रवक्ता डा . निदेश सापकोटाका अनुसार राती ८ः४५ मा संक्रमित व्यक्तिको निधन भएको हो । भदौ २६ गते वीपीकै ल्याबबाट संक्रमण पुष्टि भएपछि उनलाई राती साढे १० बजे कोडिभ अस्पतालमा सारिएको थियो ।

उनी प्रतिष्ठानको अर्थो अब्जरवेसन वार्डमा उपचारको क्रममा रहदा कोरोना संक्रमण पुष्टि भएको थियो । मृतकलाई कुनै पनि दीर्घ रोग नभएको प्रतिष्ठानले जनाएको छ ।
मृतकको शव व्यवस्थापन नियमअनुसार भइरहेको प्रवक्ता डा.सापकोटाले जानकारी दिए ।