इटहरीमा ३ सय ६ पुगे संक्रमित, ज्येष्ठ नागरिक बढि प्रभावित

इटहरी । दैनिक संक्रमित थपिदै जादा इटहरीमा कुल संक्रमितहरू ३ सय ६ जना पुगिसकेका छन भने अझै बढने क्रममा रहेको छ ।

इटहरीमा कोरोनाबाट सबैभन्दा बढी ज्येष्ठ नागरिकहरू प्रत्यक्ष प्रभावित भएका छन्। कुल संक्रमित मध्ये १ सय ३४ भन्दा बढी ज्येष्ठ नागरिकहरू कोरोनाबाट प्रभावित बनेका छन । दैनिक संक्रमणको संख्या बढिरहदा इटहरीमा खतरा बढिरहेको चिकित्सकहरूले बताउदै आएका छन ।

समुदाय स्तरमा पुगेको कोरोना संक्रमणको दर अहिले इटहरीमा प्रतिहजार जनसंख्या १दशमलव ८२ प्रतिशत रहेको छ । जनसंख्याको हिसाबले अति न्युन देखिए पनि संक्रमणको दर भने बढनुले जोखिम उत्तिकै रहेको इटहरी अस्पतालका इमरजेन्सी शाखा प्रमुख रामुकमार धमलाले बताए।
उनले यो दर जति बढदै जान्छ इटहरीको लागि त्यति नै जोखिम पनि बढदै जाने बताए। उनले भने, जनस्वास्थ्यको दृष्टिकोणले नया सक्रमितको सख्या वढ्नु चुनौतिपुर्ण रहन्छ ।

फैलिदै गएको संक्रमणबाट जोगिन नागरिकको तहवाट तोकिएको स्वास्थ्य मापदण्ड अवलम्वन गर्न आवश्यक रहनुका साथै सरकारले नियमित अनुगमन ,नियमन र सहजिकरण गर्न आवश्यक देखिएको धमलाको भनाइ छ ।