धरान । सुनसरीको इनरुवा नगरपालिकामा ४० जना कोरोना संक्रमण पुष्टि भए सँगै जिल्लामा ५२ जनामा एकै दिन कोरोना संक्रमित थपिएका छन् ।
जिल्लामा कोरोना संक्रमितको संख्या १ हजार २३ जना पुगेका छन् । स्वास्थ्य कार्यालय सुनसरीका अनुसार सोमबार इनरुवा नगरपालिकामा ८ पुरुष सहित २३ जना हिलासुनसरीमा आज ५२ जना कोरोना संक्रमित थपिएका छन् ।
स्वास्थ्य कार्यालय सुनसरीका अनुसार इनरुवा नगरपालिकामा ४० जना, इटहरी उपमहानगरपालिकामा १० जना र गढी गाउँपालिकामा २ जनामा कोरोना पुष्टि भएको हो ।
सबै भन्दा धेरै कोरोना संक्रमित देखिएको इनरुवाको ५ नम्बर वडा नै सिल गरिएको छ । वडा नम्बर ५ मा मात्रै ३८ जनामा हिजो साँझ कोरोना संक्रमण पुष्टि भएको थियो ।
जिल्लामा कोरोना संक्रमण भएका ४ सय १७ जना निको भएका छन् भने ६ सय ९ जना जिल्लामा सक्रिय संक्रमित रहेका छन् । अहिले सम्म सुनसरीमा कोरोना संमणबाट ६ जनाको मृत्यु भएको छ । उनीहरु सबै धरान उपमहानगरपालिकाका हुन् ।
